रक्तदान सर्वश्रेष्ठ दान: आयुक्त अविनाश शिंदे
शिवतेज तरुण मंडळाच्या वतीने रोप्य महोत्सव रक्तदान शिबिर संपन्न
बारामती: प्रतिनिधी
रक्ताला कोणताही धर्म जात नसते, मानवी जीवनातील माणुसकी जपणारे सर्वोच्च दान म्हणजे रक्तदान आहे त्यामुळे
रक्तदान हे सर्वश्रेष्ठदान असल्याचे प्रतिपादन गुलबर्गा (कर्नाटक) महानगरपालिकेचे आयुक्त अविनाश शिंदे यांनी केले.
शिवतेज तरुण मंडळ (पवारवाडी ) च्या रोप्य महोत्सवानिमित्त रक्तदान शिबिराचे (शनिवार ३१ ऑगस्ट) आयोजन करण्यात आले होते .
याप्रसंगी ते उपस्थित गणेश भक्त व नागरिकांना मार्गदर्शन करत होते.
या प्रसंगी उद्योजक शीतल शिंदे, वालचंद नगर पोलीस स्टेशनचे पोलीस उपनिरीक्षक रतिलाल चौधर,छत्रपती कारखान्याचे संचालक पृथ्वीराज घोलप, पवारवाडी चे सरपंच अनिल शिंदे
ऍड प्रतिमा भरणे, प्रियंका भरणे, तुषार करकरे ,रामदास करकरे ,हर्षल करकरे, अतुल करकरे ,सचिन करकरे, शिरीष करकरे ,साक्षात काळे, दत्तात्रय शिंदे ,विशाल हरिहर, रोहित काळे ,अमोल पवार, विठ्ठल काळे आदी मान्यवर उपस्तीत होते.
गणेशोत्सवाच्या माध्यमातून सामाजिक प्रबोधन, वृक्षारोपण आणि रक्तदान शिबिर ही काळाची गरज असून रक्तदान ही चळवळ व्हावी अशी अपेक्षा आयुक्त अविनाश शिंदे यांनी केली.
सामाजिक बांधिलकी व सामाजिक भान जोपासत गणेशोत्सवाच्या माध्यमातून जातीय सलोखा,बंधुता, एकोपा वाढीस लागावा म्हणून शिवतेज गणेशोत्सव तरुण मंडळाच्या माध्यमातून कार्य करत असल्याचे शीतल शिंदे यांनी सांगितले.
या वेळी ७५ तरुणांनी रक्तदान केलेल्या तरुणांना प्रमाणपत्र देऊन सन्मानित करण्यात आले.
फोटो ओळ:
रक्तदान शिबिर प्रसंगी आयुक्त अविनाश शिंदे, संचालक पृथ्वीराज घोलप व इतर मान्यवर
Post a Comment