अभियांत्रिकी महाविद्यालयात उद्योग भेट आणि सामंजस्य करार;कौशल्य विकासाला चालना
बारामती: प्रतिनिधी
विद्या प्रतिष्ठानची कमलनयन बजाज अभियांत्रिकी व तंत्रज्ञान संस्था आणि बारामती औद्योगिक विकास संघटना यांच्या संयुक्त विद्यमाने, महाविद्यालयात असलेल्या डिजिटल उत्पादन व यांत्रिक रोबोट स्वयंचलन उत्कृष्टता केंद्रात उद्योग भेट व सामंजस्य करार कार्यक्रम उत्साहात पार पडला.
या प्रसंगी एमआयडीसी चे प्रादेशिक अधिकारी हनुमंत पाटील ,कार्यकारी अभियंता विजय पेटकर बिडा अध्यक्ष धनंजय जामदार , ‘भारत फोर्ज’चे अधिकारी सदाशिव पाटील,
महाविद्यालयाचे प्राचार्य डॉ. एस. बी. लांडे ,डॉ. पी. आर. चित्रगार ,श्रीमती प्राची काळे ,आदी उपस्तीत होते.
मान्यवरांनी केंद्रातील संगणक संख्यात्मक नियंत्रण यंत्रसामग्री, रोबोटिक प्रयोगशाळा, ३डी प्रिंटिंग तंत्रज्ञान, डिजिटल प्रतिकृतीकरण (सिम्युलेशन), उद्योग ४.० संकल्पनेवर आधारित सुविधा व इतर अत्याधुनिक प्रयोगशाळा पाहून समाधान व्यक्त केले.
विद्यार्थ्यांमध्ये उद्योगसिद्ध कौशल्य विकसित करण्यासाठी हा उपक्रम अत्यंत उपयुक्त असल्याचे हनुमंत पाटील यांनी सांगितले
या कार्यक्रमात बारामती औद्योगिक विकास संघटना व विविध उद्योग संस्थांबरोबर सामंजस्य करार करण्यात आले .विद्यार्थी प्रशिक्षण, कौशल्यविकास उपक्रम, संयुक्त प्रमाणपत्र अभ्यासक्रम, विद्यार्थी प्रकल्प, उत्पादन प्रक्रिया उन्नतीकरण, विद्यार्थ्यांच्या प्रत्यक्ष कार्यानुभवासाठी (लाईव्ह प्रोजेक्ट) आणि उद्योगानुकूल संशोधन कार्य या क्षेत्रांत भविष्यातील सहकार्य निश्चित करण्यात आले.
या उपक्रमामुळे बारामतीतील उद्योग–संस्था सहकार्य अधिक बळकट होणार असून विद्यार्थ्यांना अत्याधुनिक तंत्रज्ञानाचे प्रत्यक्ष ज्ञान व अनुभव मिळण्यास मोठी चालना मिळणार आहे.
कार्यक्रमास केंद्रीय टीपीओ डॉ. विशाल कोरे, तसेच यांत्रिकी अभियांत्रिकी विभागप्रमुख डॉ. मनीषा लांडे विभागप्रमुख डॉ. मनीषा लांडे, प्राची काळे–प्रमुख उत्कृष्टता केंद्र, जनसंपर्क अधिकारी-सुरज कुंभार, प्रवीण धांडोरे, दादासाहेब रुपनवर, मंदार मोरे, श्रीकांत जठार, आरती कुंजीर, सुदाम कढणे यांनी महत्वपूर्ण योगदान दिले. महाविद्यालय टीपीओ ज्योती कुलकर्णी यानी आभार प्रदर्शन केले.
फोटो ओळ: सामंजस्य करार करत असताना मान्यवर
Post a Comment